Cymeriad yn y Testament Newydd o gyfnod bywyd Iesu. Ystyr yr enw ydy “rhodd Duw”.
Roedd Mathew yn casglu trethi i lywodraeth Rhufain (Mathew 10:3), ac yn fab i ddyn o’r enw Alffeus. Cafodd Mathew ei alw gan Iesu i adael ei waith fel casglwr trethi er mwyn bod yn un o’r deuddeg disgybl gwreiddiol.
Mae hefyd yn cael ei alw yn Lefi yn Efengyl Luc 5:27.
Doedd Mathew ddim yn gymeriad amlwg iawn yn yr Eglwys Fore. Ychydig iawn rydyn ni’n gwybod amdano, a does dim sôn amdano yn y Beibl ar ôl atgyfodiad Iesu Grist.
Mae Mathew yn cael ei gysylltu gydag Efengyl Mathew – efallai fod peth o’i waith wedi ei gynnwys yn yr Efengyl.
(gweler Mathew 9:9; 10:3; Marc 3:18; Luc 6:15; hefyd LEFI)