Cymeriad yn y Testament Newydd o gyfnod yr Eglwys Fore. Mae’n debyg fod Titus wedi dod i gredu yn Iesu trwy bregethu Paul. Mae Paul yn ei alw yn fab yn y ffydd, ac yn bartner oherwydd bu’n helpu llawer ar yr apostol yn ei waith (Titus 1:4). Yn gynnar yn hanes yr eglwys Gristnogol, cynhaliwyd cyfarfod yn Jerwsalem i drafod derbyn pobl oedd ddim yn Iddewon (cenedl-ddynion) i’r eglwys. Aeth Titus yno hefo Paul fel un oedd wedi derbyn Crist, ond heb gael ei enwaedu. Does dim sôn amdano yn llyfr yr Actau, dim ond yn llythyrau Paul. Roedd yn helpu Paul yn Effesus, ac yn ninas Corinth bu’n helpu’r eglwys i gwblhau eu casgliad tuag at dlodion Jerwsalem. Titus hefyd helpodd i gymodi’r eglwys gyda Paul wedi cyfnod o anghydweld. Yn ail lythyr Paul at Timotheus mae awgrym bod Titus wedi symud i Dalmatia (Iwgoslafia heddiw) i wneud gwaith efengylu yno.
(gweler 2 Corinthiaid 2:13; 7:6- 8:23; 12:18; Galatiaid 2:1-3; 2 Timotheus 4:10; Titus 1:4)